דודי קנופלר מרגש בסינגל קליפ חדש • טאטע

טאטע
איך האב געטראכט צו זינגען א ניגון פאר דיר
טאטע
אויף אלעס וואס דו האסט געטון פאר מיר
טאטע
האסט מיר אייביג ארומגענומען
און נישט געווארט צוריקצובאקומען
האסט געגלייבט און מיר, אז איך וועל ווייט אנקומען

טאטע
איך געדענק נאך ווי דו האסט מיך באגלייט אין חדר
מיך ארומגענומען מיט א ליבליכקייט כסדר
און פון הינטער די טיר
זיך צוגעהערט ווי איך זינג זיך צו מיר
ווען איך בין געווען גאר יונג, גאר קליין ביי די דריי אין פיר

טאטע
אויף דיינע וועגן פרוביר איך אויך נאכצוגיין
דיינע מידות ליגט מיר טיף און יעדע ביין
איך האב דיך נישט פארשטאנען ניין
ווייל איך בין געווען גאר קליין
אבער יעצט פארשטיי איך שוין פון זיך אליין

טאטע
די אלטע הויז האבן אונז שוין לאנג נישט
אונז זעמיר ביידע געוואקסן, א יעדער איז שוין. אנדערש
אבער ווי עלטער איך ווער
זע איך אויס ווי דיר נאך מער
איך בין אנדערש פון דיר
אבער פונקט ווי דיר

טאטע
אזוי פיל צייט איז אריבער אונז האבן
גערעדט גאר ווייניג
ס'האט מיך גענומען צייט צו פארשטיין אז אונז זענען אייניג
איך ווייס אז דו האסט מיר ליב
אוי טאטע איך האב דיך ליב
לאמיר זיך האלטן נענטער
ענדערשט יעצט ווי שפעטער

באשעפער
אזוי פיל צייט איז אריבער אונז האבן גערעדט גאר ווייניג
איך וויל זיין ערליך איך וויל זיין הייליג
ס'איז אריבער אזוי פיל צייט
וואס איך האב געפילט ווייט
אבער יעצט פארשטיי איך אז דו האסט מיך אייביג ליב געהאט

טאטע
איך האב געטראכט צו זינגען א ניגון פאר דיר טאטע

'בחדרי' גם ברשתות החברתיות - הצטרפו!