הגראמער ישראל שכטר במסר מיוחד לתשעת הימים

קרדיטים:

שירה וחריזה: ישראל שכטר.

סולן אורח: ב. שכטר.

קולות: מקהלת 'נגינה' בניצוחו של חזקי ינקוביץ.

מיקס והקלטות אולפן: יענקי כהן.

גרפיקה ועיצוב: שמעון רוכמן.

מילים:

מנגינת 'עד מתי' (ביצוע במקור - שלוימי דסקל):

דעי מצב, וואס די גאנצע וועלט – טוט, לעצטענס זעהן

זייט, בריאת העולם - איז דאס, קיינמאל נישט געווען

בפרט - נאך די טראגעדיעס, פארשטייט, יעדער גוט

זיך געגאסען טייכען טרערען, טייכען בלוט

חתנים, יונגעלייט - אזויפיל, יונגע נפשות

פיצלעך קינדער, פלאגען זיך - מיט גאר שווערע קשיות

אבער דאך, מ'איז זיך מתחזק – יודען זאגן, בכל מקום

משיח קומט, ס'דא - סימנים מובהקים

עד מתי, ווי לאנג וועלען מיר טוּעֶן זכר למקדש

עד מתי, נאר זיין אין עיר ציון - מיט די אבות, בראש

לויבען דעם קל חי

אן קיין קריגעריי אן קיין מחלוקת נאר איין ריזיגען טיש

סעודת יום טוב מיט די לוויתן פיש

עד מתי, הייבט מען אויף די הענט צום יושב מרום

עד מתי, דארפען מיר ווארטן, אויף די כנפי נשרים

עד מתי, אז יעדער איד זאל שוין קענען אין דעם קומענדיגען תשעה באב

זינגען דעם פסוק ביום טובה, היה בטוב

מנגינת "והנה השם" (לחן קודש של האדמו"ר מזוטשקא שליט"א):

והנה הוי'ה ניצב עליו

זאגען מיין מיינונג ליגט אויף מיר א חוב

כלל ישראל איז אריבער לעצטענס, גאר שווערע צייטען

מרחוק נראה לי , ס'זעעדיג פון דערווייטען

והנה השם התגלות אלקית

עין בעין יראו בקרוב געוויס

בשוב השם ציון לאמיר שוין זוכה זיין

צו דעם דערהויבענעם זמן

יעדער וואס האט נאר אביסעל שכל

פארשטייט קלאר אז די באשעפער וויל שוין בויען זיין הייליג היכל

בנים אתם ער האט אונז אזוי ליב מיר זענען דאך בנים

וואס פאדערט ער שיקט ער שטארקע סימנים

יודען פאר די צייט זייער לעבען געווען גומר

אויף אזא הייליגען טאג ל"ג בעומר

וואס האט: צוגעברענגט די יציאה פון אזא יונגע נשמה

טרעטען אויף א צווייטען איז געווען די גרמא

והנה ס'קומט די גאולה אט אט

וואס איז די תיקון "כאיש אחד בלב אחד"

ס'נאר דא איין קבלה, נאר איין גוטע עצה

אהבת חינם אונטערלייגען א פלייצע

שפירען יענעם'ס הארץ וואס טוט זיך דערינען

ווען ס'גייט אי'הם גוט מיט'ען גאנצען הארץ צו פארגינען

נאר אזוי וועט זיך בויען א שטיין נאך א שטיין

משיח צדקנו קומט שוין צו גיין

אז די באשעפער וועט זעהן מ'האט א צווייטען ליב

וועט ער זיכער אויפבויען זיין הייליג שטוב

ס'וועט ווערען נתקיים דעם פסוק די באקאנטע

ועשו לי מקדש ושכנתי

ווען מ'וועט זיין אין כבוד חבירו, זהיר

וועט מען זוכה זיין: צו אור חדש על ציון תאיר

שוין תשפ"ב וועלען מיר האבען די זכויות

לויט אלע שיטות מקיים זיין מצוות שביעית

'בחדרי' גם ברשתות החברתיות - הצטרפו!